بھٹکل 19 ڈسمبر (ایس او نیوز) تعلقہ کے ساگر روڈ پردو بائکوں کے درمیان ہوئی ٹکرمیں ایک بائک سوارہلاک ہوگیا، جس کی شناخت یلوڈی کاوور کے رہائشی شریدھر نائک (۵۵) کی حیثیت سے کی گئی ہے۔ حادثہ منگل صبح پیش آیا۔

بتایا گیا ہے کہ شری دھرنائک، ساگرروڈ کے کنٹوانی سے بھٹکل آرہا تھا کہ مخالف سمت سے آرہی دوسری بائک سے اس کی بائک ٹکرا گئی۔ حادثے میں شریدھر نائک کے سرکو شدید چوٹ لگنے کی وجہ سے اس کی موقع پر ہی موت واقع ہوگئی۔

بھٹکل مضافاتی پولس تھانہ میں معاملہ درج کیا گیا ہے۔